252

REGISTRES DU BUREAU

[i55i]

autres munitions d'icelle Ville, et luy bailler en contre eschange lesd, places de la Court la Royne, avec telle soulte que lesd, jurez ont rapporté, et aux charges contenues au rapport desd, jurez; et toutesfoys prier led. Leconte de se contenter de quinze cens livres tournois pour lad. soulte et recompense. Et où led. Leconte ne vouldroit prandre pour eschange

lesd, places de la Court la Royne, et qu'il convint achepter celle dud. Lecomte en deniers comptans, lad. Ville deveroit plustost prandre aigent à consti-tucion de rente qu'elle n'acheptast lad. grange et place; et que mesd. s" les Prevost des Marchans et Eschevins en devoient faire le marché et contract le plus tost qu'ilz pourront.

CCLXIII [CCXIl]. — Visitation du moulin de la Gourdine.

5 juin i55i. (Fol. 225.)

Du vendredi, v^e jour de Juing mil v° li.

Aujourd'uy, suyvant l'assignation donnée par mons^rle Prevost des Marchans aux marguiliers de Sainct Eustace, se sont trouvez, à une heure actandant deux de relevée, derriere le jardindu PalaisduRoy, devant le moulin de la Gourdine, c'est assavoir mond. s^rle Prevost des Marchans, m^e Claude Guyot, acompaigné de m* Charles Leconte, maislre des euvres de charpenterye de la Ville de Paris, et Laurens Vallin, maistre charpentier, faiseur de moullins, demourans à Paris, d'une part, et mons^r de Tasnières et Nicolas Geuffrin, marguillez de Saint Eustace, acompai-gnez de nions' Bastonneau, Notaire ou Chastelet de Paris, Anthoine de la Riviere, marchant de boys, Jehan Belée, charpentier juré, sire Jehan Laubigeois, bourgeois de Paris, et Jehan Desmarquetz, solici-

teur de lad. eglise Sainct Eustace, d'autre part.

Ausquelz mond. s^r le Prevost des Marchans a faict lever les mains, tant d'une part que d'autre, et jurer par serment que, en leurs loyaultez et consciences, ilz visiteront led. moulin et priseront justement combien led. moulin peult bien valloir pour une foys quant à present, et combien il peult bien valloir de renie annuelle et perpetuelle, ayant consideration au lieu et assiette dud. moulin, sans aucune faveur ne acception de personnes, et qu'ilz en feront bon, vray et loyal rapport. Ce qu'ilz ont tous promis faire.

Puys se sont embarquez dedans deux fietles'¹' et sont allez faire la visitacion dud. moulin, tant par dedans que par dehors, et de tout doibvent faire leur rapport.

CCLXIV [CCXIII]. — Procession et descente de la chasse Saincte Geneviefve.

i3 juin i55i. (Fol. 225 v°.)

Le samedi, xm^e jour de Juing, fut faicte la procession solempnelle par mess" de la Ville avec la court de Parlement'²', où furent portées les chasses mons^rSainct Marcel et madame Saincte Geneviefve, pour prier Dieu pour avoir beau temps, car il y avoit six sepmaines qu'il ne cessoit de pleuvoir. Et partirent mesd. s" de la Ville, acompaignez de la bande des archers avec mess^rs les Conseillers, Quarteniers et

quatre bourgeois de chascun quartier, et allerent en l'eglise Nostre Dame. De là s'en allerent, suyvant mess" de lad. eglise, portant la chasse mons^r Sainct Marcel jusques à Saincte Geneviefve, où ilz trouverent mess" de la Court.Puis s'en revindrent, à la maniere acoustumée, jusques à lad. eglise Nostre Dame, où furent portées lesd, chasses et autres beaulx reliquaires. Et là fut dicte et célébrée la grande messe,

(■' Flelte, synonyme de coche d'eau, se disait d'un bateau garni de sièges, servant de voiture publique.

⁽²⁾ Cette procession avait été ordonnée par le Parlement, le io juin précédent: "Ce jour, sur la remonstrance faicte en la court par Seguyer (avocat du roi), present le Procureur general, sur la calamité advenue au royaulme et divers endroictz d'icelluy par oraiges et inondations, requerant, actendu la clameur du peuple et pour faire sacrifice requis envers Dieu, que la court feist procession exemplaire; la matiere mise en deliberation, après avoir sur ce oy l'evesque de Paris, a esté arresté et advisé que samedy prochain lad. court, en robbes d'escarlatte et chapperons noirs, partira du Pallais pour aller en l'église Saincte Geneviefve, et dudict lieu acompaigner en procession la chasse d'icelle saincte jusques en l'eglise de Paris, en la maniere accoustumée, à ce qu'il plaise à Dieu, par l'intercession de ladicte glorieuse saincte, tutelle et seur recours de la ville de Paris, retirer et appaiser son yre, saulver les fruictz de la terre et continuer envers nous sa bonté. Et ce faict, a esté lad. ordonnance dicte au Prevost des Marchans, à ce que de sa part il soit prest aud. journ (Archives nat., Parl. reg. du Conseil, X", 1669, fol. 207). --^e nième registre, à la date du i3 juin (fol. 229 ^v°). ^con-lien une courte relation de la cérémonie.